Deputeti i Lidhjes Demokratike të Kosovës, Krenar Xhaferi ka thënë se me Nismën Socialdemokrate nuk kanë nisur diskutimet për koalicion parazgjedhor.
Ai i pyetur për takimin Abdixhiku – Limaj i cili u bë të hënën, një ditë pas dështimit të votimit të Qeverisë Kurti III, ka thënë se ishte një takim normal, ku u diskutua situata aktuale.
Sipas, Xhaferit, LDK është parti me të cilën të gjithë duan koalicion, pasi siç ka thënë ai ka dëshmuar që mban stabilitet politik.
“Nuk ka ende diskutime për koalicione parazgjedhore. Ende nuk e kemi qel pjesën e temës për koalicion në zgjedhjet parlamentare. LDK është pikë qendre ku të gjithë dëshirojnë koalicion me të. LDK ka dëshmuar që mban stabilitet shtetëror”, ka thënë ai në emisionin “Ditari” në Tëvë1.
Edhe nga Nisma Socialdemokrate kanë thënë se nuk ka qëndrim në këtë momente për një marrëveshje koalicioni me LDK-në.
