Kryeministri i Kosovës, Albin Kurti, përmes një statusi ne Facebook, ka listuar disa nga punët e qeverisë në politikë të jashtme. Këtu Kurti përmendi edhe një herë liberalizimin e vizave, për të cilën falënderoj qytetarët për besimin e dhënë ndaj qeverisë. Por, njohësit e diplomacisë thonë se për këtë punuan edhe qeveritë e kaluara.
Në ditën e parë të vitit, u pa në aeroportin ndërkombëtar “Adem Jashari”.
Këtu kryeministri i vendit, Albin Kurti, ua uroi kosovarëve liberalizimin e vizave.
Urime liberalizimi i vizave për herë të fundit.
E një javë më pas, Kurti edhe një herë përmendi heqjen e vizave.
Por kësaj radhe, falënderoj qytetarët për besimin ndaj qeverisë së tij.
“Fillimet që po i shënojmë e festojmë tani, janë rezultate të një pune të gjatë e vendosmërie të madhe të institucioneve tona që vazhdon edhe më tej. Falënderoj të gjithë kabinetet politike dhe punonjësit e shtetit dhe qeverisë për kontributin e tyre, dhe partnerët tanë ndërkombëtar për rolin që kanë luajtur. Por më së shumti qytetarët e vendit tonë që na besuan dje dhe që na mbështesin sot e çdo ditë”, ka thënë kryeministri i Kosovës, Albin Kurti.
Mirëpo profesori i diplomacisë në Paris, Valon Murtezaj, thotë se për heqjen e vizave, punuan edhe qeveritë e kaluara. Andaj meritat duhet dërguar ku duhet.
“Natyrisht që gjërat duhet t’i themi sic janë. Ti alokojmë meritat e po ashtu edhe kritikat. Qeverisjet e kaluara, në atë të z. Avdullah Hoti, ka ardhur njohja nga një shtet i rëndësishem në sistemin e mardhenieve nderkombëtare sic është Izraeli. Pastaj në vitin 2015-2016, Qeveria Mustafa, ka punuar shumë për libarlizimin e vizave, dhe të them të drejtën në atë kohë është dashur që vetëm demarkacioni të kalojë dhe kosovarët të lëvizin pa pasur nevojë për vizë”, ka dkelaurar profesori i diplomacisë, Valon Murtezaj.
Tutje Murtezaj ka thënë çështja e targave nuk duhet renditur në listën e arritjeve shumë të mëdha.
Murtezaj ka folur edhe për njohën e pasaportave kosovare nga shteti i Spanjës.
Sipas tij, qeveria e Kosovës duhet të tregohet e vëmëndshme pas këtij hapi të Spanjës dhe të thellojë raportet me këtë shtet pas këtij hapi.
Të hënën puna e ekzekutivit u kritikua rëndë nga ish-kryeministri, Ramush Haradinaj.
Ky i fundit përmes një statusi në Facebook, ka shkruar se nuk mbahet mend që Kosova ta ketë pasur një vit më të humbur në cdo segment se sa viti 2023.
Kritika ndaj pushtetit adresoi edhe kreu i PDK-së dhe ai i LDK-së.
