Eksperti i Politikave të Sigurisë dhe Gjeopolitikës, Ilir Kulla, tha se çdo koncesion i Kosovës me Serbinë pa pasur garanci njohjen, do të ishte me faturë shumë të madhe mbrapa, raporton teve1.info
Në emisionin “MATRIX” me Mehmet Kalisin në Tëvë1, Kulla tha se, për sa kohë Serbia është anëtare e KiE-së dhe aleate e fortë në Evropë për arsyet ekonomike por edhe për shkak të situatës gjeopolitike, është një periudhë e vështirë për Kosovën.
Andaj, Kulla tha se i sugjeron politikës së Kosovës një kohezion më shumë se sa një luftë të brendshme.
Kulla këtë opinion e dha derisa u pyet nga Kalisi nëse Kosova duhet ta themeloj “Zajednicën” për KiE.
“Kosova thuhet të jetë e qartë me vetën dhe Kushtetutën e saj. Nëse Kosova mendon sot se për të pasur njohjen e shtetit të saj duhet që dojë, duhet të ketë një marrëveshje të mëhershme ku pranohet shtetësia e Kosovës edhe në një format të tillë, pra duke imponuar Asociacionin-Zajenicën, por nëse Zajednica do të përdoret si një metodologji për të mos e lënë Kosovën për të ecur më tutje për hapa, qoftë ky anëtarësim, qoftë njohja e pavarësisë së shtetit, atëherë do t’i takoj atyre që janë sot në pushtet por edhe aty që do të vijnë, për sa kohë kemi një Serbi të tillë e cila është anëtare e KiE-së, është aleate e fortë në Evropë për arsyet ekonomike por edhe për shkak të situatës gjeopolitike, është një periudhë e vështirë për Kosovën. Por unë do t’i sugjeroj politikës së Kosovës kohezion, pra më shumë se sa luftë të brendshme, marrëveshje të brendshme, për të qëndruar të gjithë bashkë dhe për ta kuptuar që ky është realiteti. Çdo koncesion pa pasur garanci njohjen është me faturë shumë të madhe mbrapa por kjo që them mua më bënë të mendoj që në shtator tetor këtu do të flasim për zgjedhje”, u shpreh Kulla.
