Në zgjedhjet lokale në Vushtrri, kandidati i Partisë Demokratike të Kosovës, Ferit Idrizi, aktualisht kryeson me një përqindje prej 44.94% të votave, sipas rezultateve të publikuara deri më tani nga Komisioni Qendror i Zgjedhjeve .
Megjithatë, garë e fortë po zhvillohet mes Idrizit dhe kandidatit të Lëvizjes Vetëvendosje, Sylejman Meholli, i cili ka arritur të sigurojë rreth 30% të votave të numëruara deri tani.
Procesi i numërimit të votave është ende në vazhdim dhe rezultatet janë duke u përditësuar në kohë reale nga KQZ-ja. Prandaj, përqindjet aktuale mund të pësojnë ndryshime derisa të numërohen të gjitha votat.
