Sipas komunikatës së lëshuar nga Policia, i dyshuari është ndaluar në fshatin Grejkoc të Suharekës derisa gjatë arrestimit ka shfaqur rezistencë kundër zyrtarëve policorë.
“Gjatë bastisjes së realizuar, përfshirë këtu edhe kontrollin e kryer në vendngjarje, janë gjetur dhe janë sekuestruar dëshmitë si në vijim:
• tre (3) fishekë kalibër i panjohur;
• dy (2) peshore digjitale;
• një (1) kovë plastike me substancë të dyshuar për narkotikë heroinë pesha 1403.96 gramë;
• dy (2) aparate për vakumim;
• një (1) rolle najloni për mbështjellje të substancave narkotike;
• katёr (4) doza substancë të dyshuar narkotike lloji kokainë me peshë 2.076 gramë;
• një (1) karikator me tre fishekë kalibër i panjohur;
• para të gatshme në vlerё pesёqind (500) euro;
• një veturë me targa vendore;
• dy (2) telefona mobilë;
• një (1) pistoletë ngjyrë e zezë pa karikator”, thuhet në komunikatë.
Në lidhje me rastin personi i dyshuar është intervistuar në prezencë të avokatit mbrojtës dhe pas intervistimit të tij me urdhër të prokurorit i njëjti është ndaluar për 48 orë.
