Andoni tha se sot mund të gjykohet për gjykimin serb, duke shtuar se duket se Serbia ka pasur një presion të jashtëzakonshëm pasi votoi pro rezolutës së OKB-së për ta dënuar agresionin rus.
“Duket që ka pasur një presion të jashtëzakonshëm mbi zyrtarët serb për sa i përket qëndrimit të kësaj rezolute por kuptohet se asgjë s’ka qenë e mirëpritur, veç duket se Serbia është në një realitet që do apo nuk do ajo është mall për Bashkimin Evropian”, tha Andoni.
Tutje, Andoni theksoi disa “kushte” që Kosova të anëtarësohet në NATO, e që sipas tij pa u plotësuar ato është shumë e vështirë.
“Procedurat në NATO janë shumë të vështira..pa pasur qetësinë e duhur në të gjithë territorin e saj, pa pasur autoritetin e plotë edhe në komunat e Veriut, pa përcaktuar statusin real të KFOR-it, unë mendoj se është shumë e vështirë. Është momenti tani që ka një lloj euforie shumë të madhe jo vetëm në Kosovë por në gjithë Bashkimin Evropian, qoftë edhe për anëtarësitë në strukturat evropiane dhe unë mendoj që edhe për Ukrainën do të jetë shumë e vështirë”, tha Andoni. /Teve1.info/
