“Secili rast që nuk është i mirëpritur, përkundër është i dënueshëm, nuk mund të na ndalë në proces për targat. Asnjë incident, madje as djegia e veturave. Siguria në veri e balancon ose e bën rregullimin edhe në rajon. Kosova nuk ka qenë e sigurt për shkak të pasigurisë brenda kufijve të saj. Zgjidhja e problemit të Kosovës e ka marrë epilogun, i ka kufijtë, e ka integritetin dhe territorin”, deklaroi Zyba në emisionin “Këndi i Debatit”.
Ndërkaq, i pyetur se sa është i shqetësuar për manovrat ushtarake të Serbisë, të cilët sot pretenduan se ushtria serbe ka rrëzuar një dron komercial në zonën e gjerë të Kopaonikut, Zyba tha se sigurinë e përgjithshme në rrethana të agresionit nga Serbia, e ka për kompetencë dhe obligim KFOR-i.
“Mirëpo, mekanizmat e shtetit tonë, që i bie nga policia dhe secili mekanizëm, duhet të jenë të përgatitur edhe për situata të tilla. Që nënkupton, nuk mund të themi që nga prezenca e KFOR-it nuk mund të ndodhë ndonjë incident, prandaj përgatitjet janë për të krijuar siguri dhe stabilitet”, tha tutje ai, raporton teve1.info.
