Ai thotë se në një vend “normal”, qendra ku ka ndodhur rasti do duhej të mbyllej për një kohë të gjatë.
“Nuk mund të vazhdojmë kështu si shoqëri. Ne duhet të jemi më të hapur me njëri tjetrin. Ky është dështim shoqëror, këtu ka dështu krejt shoqëria, nuk ka dështu vetëm kjo qendër. Kjo qendër me një vend normal, kjo ish suspendu për një kohë të gjatë”, tha ai në “Këndi i Debatit” në Tëvë 1.
Ndërkaq, analisti Arton Demhasaj e cilësoi si skandaloz këtë rast, teksa potencoi se angazhimi i Policisë ka qenë i shpejtë dhe i duhur.
“Tash mbetet me u pa trajtimi tash e tutje se si ndodh, pra sa shpejt mund të ngritet aktakuza dhe sa shpejt mund të fillohet shqyrtimi gjyqësor, sepse këto raste të tilla që jo rrallë po ndodhin në Kosovë, po bëhen publike për një kohë edhe shumë shpejt po harrohen. Deri sot nuk kemi pa raste të tilla që gjyqësia është tregu e duhur në dënime”, shtoi ai.
Lidhur me rastin, tri infermiere janë arrestuar, si të përfshira në rrahjen e të moshuarës në shtëpinë e pleqve “Orenda” në Pejë. /Teve1.info/
