Përmes komunikatës, Telekomi bëri të ditur se vendimin e kanë pranuar të martën ku thuhet se pas një beteje katër vjeçare, është refuzuar në tërësi kërkesa e palës paditëse.
“Me Vendimin e Arbitrazhit është refuzuar në tërësi padia e Paditësit – një kompanie nga fusha e IPTV, në vlerën prej mbi 10 Milionë EUR (dhjetë milionë Euro), derisa janë konfirmuar në tërësi veprimet e ligjshme të Telekomit të Kosovës. Në një situatë të tillë, Telekomi i Kosovës tashmë është në pritje edhe të rikuperimit për shpenzimet financiare, përkatësisht kompensimit të shpenzimeve të përfaqësimit”, thuhet në njoftimin e Telekomit.
Ndryshe, emri i kompanisë nuk është bërë i ditur nga Telekomi por që bëhet fjalë për kompaninë me prejardhje amerikane “Intercom Ventures Kosovo” që kërkonte 10 milionë euro me pretendimet se Telekomi nuk e kishte paguar për shërbimet e kontraktuara.
