Për Tëvë 1, një qytetar serb në pikën kufitare në Jarinje tha se ky qortim për të është vetëm letër.
“Do vazhdoj ti mbajë tabelat KM”, tha ai.
Ndërsa, një shofer i autombulancës tha se këto masa janë politike.
“Nuk i ndryshoj tabelat edhe pse është institucion”, shtoi ai.
Ky rast nuk është i vetmi. Mëngjesin e sotëm edhe një qytetare serbe në të njëjtin pikëkalim ka theksuar se nuk planifikon ta regjistrojë veturën në “RKS”, por është në pritje të vendimit të Beogradit.
Duke filluar nga sot, të gjithë pronarëve të makinave me targa serbe në Kosovë, do t’iu shqiptohet masë qortimi pas mosndërrimit të targave në RKS, proces ky që do zgjasë deri më 21 nëntor.
Sipas masave të marra nga Qeveria e Kosovës, nga 21 nëntori deri më 21 janar, pronarët që kanë ende makina me targat serbe në Kosovë, do të gjobiten me 150 euro. /Teve1.info/
