Ai thotë se raportet me administratën e presidentit, Joe Biden, janë më të mirat ndonjëherë.
“Bashkëpunimi me SHBA-në është i thellë, gjithëpërfshirës dhe si asnjëherë më parë ka koordinim. Kur them koordinim, ta kuptoni se Qeveria e Kosovës gjithçka që merr vendime në lidhje me raportet apo në lidhje me proceset që janë edhe miqtë tanë të kyçur nuk krijon befasira. Gjithmonë njoftimet e dakordimet bëhen paraprakisht”, tha ai në “Respublika” në Tëvë 1.
Dugolli theksoi se vendimi për targat është stërdiskutuar me miqtë ndërkombëtar, pasi siç thotë ai, Qeveria e Kosovës nuk merr vendime Ad-hoc.
“Po patjetër (në koordinim me SHBA). Vendimet, Qeveria e Kosovës nuk i merr Ad-hoc, i analizon, i studion, i bashkëbisedon, i koordinon. E kështu që kur dilet në opinion vendimi, të jeni të bindur se ai vendim paraprakisht është diskutuar e është stërdiskutu me miqtë tanë edhe është argumentu. Kur them që është argumentu, me vetë faktin se edhe SHBA-ja në fjalinë e parë që gjithkund e kanë thënë është se Kosova ka të drejtë”, shtoi ai. /Teve1.info/
