Superliga e Kosovës në futboll do të fillojë sot me ndeshjet e xhiros së 14-të.
Dy takime sot do të jenë në program me fillim nga ora 13:00, shkruan Gazeta Express.
Ferizaj do të jetë nikoqir i Drenicës. Ferizajasit gjenden në vendin e fundit me tetë pikë gjithsej dhe u nevojitet shumë fitorja.
Në anën tjetër, Drenica është e pesta në tabelë me gjithsej 16 pikë të grumbulluara.
Ndeshja tjetër që zhvillohet sot është ajo mes Malishevës dhe Trepçës’89.
Malisheva gjendet e shtata dhe një fitore eventuale sot do t’i largonte edhe më shumë nga zona e rrezikshme.
Në anën tjetër, Trepça’89 ka rënë në vendin e parafundit me 11 pikë gjithsej.
