Ai në një lidhje online në kuadër të “Konferencës së Sigurisë” që po zhvillohet në Beograd, ka dhënë detajet e para nga ky propozim.
“Iniciativa franko-gjermane nuk është domosdoshmërisht modeli i “dy Gjermanive”, por “Gjermani-Gjermani minus”, sepse disa pjesë të rëndësishme të asaj marrëveshje nuk janë të përfshira në këtë iniciativë. Duhet ta themi se që nga fillimi pengesa kryesore në dialog ka qenë divergjenca mes qëndrimeve të të dyja palëve. Për ne është me rëndësi të ketë dokument final me njohjen reciproke në qendër. Për Serbinë është që të mos ketë dokument final e të mos ketë njohje reciproke. Prandaj nga kjo perspektivë do të thosha se propozimi franko-gjerman më shumë i afrohet pozicionit të Serbisë, sepse nuk paraqet marrëveshje finale e as nuk përfshin njohje reciproke në këtë fazë”, është shprehur Bislimi.