Kryeministri Albin Kurti, ka propozuar shtyrjen e zbatimit të vendimit për targat. Ai tregoi edhe afatet për zbatimin e këtij vendimi, raporton teve1.info.
“Targat ‘PZ’, ‘KM’, ‘GL’, etj, janë targa ilegale. Qeveria përmes vendimit ka obliguar pronarët e mjeteve me targa ilegale që t’i kthejnë në targa RKS. Kemi zhvilluar diskutime të brendshme dhe kemi ardhur në përfundim që të sjellim për propozim një vendim i cili bën shkallëzim të sanksioneve, me rastin e zbatimit të këtij vendimit. Për tri javë duke filluar nga data 1 nëntor deri në datën 21 nëntor masa do të jetë ajo e qortimit, pastaj nga 21 nëntori deri më 21 janar do të jetë masa e gjobitjes dhe më pastaj nga 21 janari do të kemi targa provuese për dy muaj të tjerë, pas së cilës datës më 21 prill nuk mund të ketë sepse nuk mund të lejohen targa të tjera në Kosovë”, tha Kurti. /Teve1.info/