Në padi thuhet se përmes shpifjes, Krasniqit i është cenuar personaliteti moral, shpirtëror e familjar, pasi akuza ndaj tij përmban terme të rënda.
“Paditësit Shefqet Krasniqit i është cenuar rëndë personaliteti moral, shpirtëror, familjar, shoqëror, kolegial e publik. Shpifja në emër të lirisë së shprehjes që cenon rëndë dinjitetin moral dhe veprimtarinë intelektuale të personit tjetër, nuk përbën liri të shprehjes, ngase kufiri i lirisë së shprehjes dhe shpifjes qëndron në dëmtimin e reputacionit të personit tjetër. Në këtë rast, reputacioni i të paditurit është atakuar rëndë, pasi që akuza apo shpifja përmban terme dhe pohime të rënda, si “prapa tij qëndrojnë miliona euro dhe dollarë, për të përhapur islamin politik dhe vehabizmin si dhe për të deziorentu shoqërinë” thuhet në padi.
Ditë më parë në një emision televiziv, Blerim Latifi akuzoi hoxhën Shefqet Krasniqi se “prapa tij qëndrojnë miliona euro dhe dollarë, për të përhapur islamin politik dhe vehabizmin”.