Ballkani ka pësuar humbje me shifra 1:0 në “Fadil Vokrri” nga Slavia Pragës, derisa me këtë humbje ka shuar gjasat për të kaluar tutje në Ligën e Konferencës.
Ekipi nga Suhareka tregoi një paraqitje të mire në pjesën e pare, derisa kishte edhe dy raste të volitshme për gol.
Në minutat e pare të ndeshjes Meriton Korenica kishte rast të volitshëm, por goditjen e tij ja ndali portieri i Slavia Pragës, kurse nga topi i kthyer Ermal Krasniqi nuk përfitoi në kohë.Krasniqi pretendoi edhe për një ndërhyrje në të duke aluduar për penallti, por gjyqtari nuk mendoi njëjtë.
Ndërkaq vetë Krasniqi kishte një rast të volitshëm në fundin e pjesës së parë, por goditja e tij, paksa prirët me portën përfundoi ngjitur me shtyllën.
Edhe pjesa e dytë nisi mire për portokallinjtë. Megjithatë fati nuk ishte në anën e tyre. Ermal Krasniqi në minutën e 56-të i rrëmben topin kundërshtarit dhe rrëzohet në zonë, por kryesori vijon lojën. Krasniqi mbetet i dëmtuar dhe del nga fusha për të marrë ndihmën mjekësore.
Skuadra mysafire në vazhdim kishte me shumë nga loja, dhe arriti edhe golin me Ondrej Lingr në minutën e 75-të për t’I dhënë fitoren skuadrës së tij.
Portokallinjët me pas u treguan të rrezikshëm me Albin Berishën e Edvin Kuç në minutat e fundit, por portieri Kolar i priti të dy tentimet.
Ballkani me këtë humbje zë vendin e fundit me katër pike, teksa Slavia Pragës ka 7-të pike në vendin e tretë aq sa ka edhe Cluji në pozitën e dytë. /Tëvë1/