Arsenali ka pësuar humbje në ndeshjen që i takoit rundit të pestë të fazës grupore në Ligën e Evropës. Topçinjtë kanë humbur më shifra 2:0 ndaj PSV, derisa kjo është edhe humbja e parë e të besuarëve te Arteta-s në fazën e grupeve këtë edicion. Veerman në minutën e 56-të, dhe Luk de Jong në minutën e 63-të ishin realizatorët në fitoren e skuadrës holandeze. Pavarësisht kësaj humbje Arsenali kryeson në grupin A me 12 pikë, teksa PSV ka 10 sosh. Të dy skuadrat kanë siguruar eliminimet direkte në kompeticionin evropian. Ndërkaq edhe Bodo/Glimt ka arritur fitore me shifra 2:1 me Zurichun.
Sfidë “pikante” ka qenë në stadiumin “Ulker” të Stambollit, mes Fenerbahçes dhe Rennes, e cila i takoi grupit B. Kjo ndeshje përfundoi me rezultat të barabartë 3:3. Skuadra turke bëri një rikthim senzacional nga 0:3 në 3:3, ndërsa me këtë barazim të dy ekipet kaluan tutje në Ligën e Evropës. Kurse me shifra identike ka përfunduar edhe ballafaqimi tjetër i këtij grupit mes AEK Larnaca dhe Dynmao Kievit.
Në Grupin D, Royal Union (skuadër belge) fitoi 0-2 në fushën e Malmo, duke siguruar vendin e parë, ndërsa Inion Berlini triumfoi 1-0 ndaj Bragës, duke zhvendosur në vendin e tretë pikërisht ekipin portugez. Malmo mbetet e fundit me zero pikë.
Në Grupin C, Betisi siguroi vendin e parë pasi mposhti 0-1 skuadrën bullgare Ludogorets.
Në Grupin F, Laizo triumfoi 2-1 me përmbysje ndaj skuadrës daneze Midtjylland, duke marrë vendin e parë me tetë pikë. Milinkovic-Savis dhe Pedro bënë të pavlefshëm golin e Isaksen.