Osmani në një konferencë për media përmendi rastin e fundit që ka ndodhur mbrëmë, ku një veturë me targat “RKS” është djegur mesnatën e së mërkurës në Leposaviq, raporton teve1.info
“Ka një kohë të gjatë që qytetarëve serbë që po respketojnë ligjin po i konverotjnë targat e regjimit të Millosheviqit dhe po i kthejnë në ato të Republikës së Kosovës po u digjen shtëpitë dhe makinat. Rasti i fundit ka ndodhur mbrëmë”, ka thënë Osmani.
Osmani deklaroi se këto veprime të strukturave ilegale dhe kriminale serbe janë në listën e zezë të SHBA-ve.
Presidentja Osmani shtoi se pakica e qytetarëve që nuk i ka konvertuar targat është për shkak të kërcënimeve nga strukturat ilegale.
“Të gjitha këto veprime të strukturave ilegale dhe kriminale serbe që janë edhe në listën e zezë të ShBA-ve dëshmojnë në esence që kjo është çështje e sundimit të ligjit. Veprimet tona janë për sundim të ligjit për barazi e asesi kundër qytetarëve serb. Ajo pakicë që nuk i ka konvertuar taraga është për shkak të kërcënimve nga strukturat ilegale. Lufta jonë është kundër bandave, në luftën tonë kundër bandave, në luftën për sundim të ligjit presim mbështetjen e aleatëve tanë”, tha Osmani./teve1.info
