Ai tha se PD-ja nuk do ta ndjekë rrugëtimin e zakonshëm që zakonisht ka bërë fushatë vetëm dy muaj para zgjedhjeve, por sipas tij tash do të përfundojnë primatet brenda javës së parë të muajit dhjetor dhe do të kenë kohë gjashtë muajë për fushatë.
“Është një lajmë i mirë që u dekretua data e zgjedhjeve dhe për t’u përgatitur për zgjedhje PD-ja nuk do të rrugëtimin që ka ndjekur zakonisht duke bërë fushatë vetëm dy muajt e fundit, e që ka qenë ndër problemet tona më të mëdha organizative, por kësaj rradhe ne do të përfundojmë primaret brenda javës së parë të muajit dhjetor të këtij viti dhe kemi gjashtë muaj kohë për të bërë fushatë”, tha Këlliçi në “Info Nata” në Tëvë1.
I pyetur se cila do të jetë forma e bashkëpunimit me Partinë e Lirisë, të Ilir Metës ai tha se vlerëson qëndrimin zyrtar që ka mbajtur Partia e Lirisë dhe kryetari, Meta.
Ai tutje tha se Partia e Lirisë në këtë koalicion i’a ka lënë Partisë Demokratike vendosjen e kandidaturave.
“Vlerësoj qëndrimin zyrtar që ka mbajtur Partia e Lirisë dhe kryetari i Partisë së Lirisë, Ilir Meta i cili primatin e vendosjes së kandidaturave për zgjedhje të kandidaturave në këtë garë edhe pse në koalicion i’a ka lënë Partisë Demokratike për kryetar të Bashkisë, z.Meta në tryezën e diskutimeve bashkë me z.Berisha ka kërkuar të kemi përfaqësim specifik dhe të ketë një peshë politike”, deklaroi ai.
Këlliçi tha se bashkëpunimi me Partinë e Lirisë është një bashkëpunim për ta rrëzuar mbi pushtetin e Edi Ramës, dhe Erion Veliajt në Tiranë.
“Bashkëpunimi është i hapur, është një bashkëpunim pa diskutim që vjen natyrshëm për shkak të një nevoje madhore për të rrëzuar padiskutim mbipushtetin e Edi Ramës dhe për të rrëzuar mitin e pathyeshmërisë së Edi Ramës dhe Erion Veliajt në Tiranë.
I pyetur se a do të kandidoj për të qenë kandidati kryesor në Bashkinë e Tiranës , ai tha se ditëve në vijim do të dal me një qëndrim publik.
“Ditëve në vijim do të kem edhe unë një qëndrim publik dhe zyrtarë, deri tani nuk jam shprehur sepse jam shumë i kujdesshëm për këtë çështje, do të doja që çdo personalitet në PD-në, çdo figurë politike në PD duhet ta shihte këtë moment një moment përballje të pashmangshëm dhe padiskutim duhet secili të jap nga vetja maksimumin”, theksoi ai.
Presidenti i Shqipërisë, Bajram Begaj ka caktuar 14 majin e vitit 2023 si datë për zgjedhjet loklae./teve1.info/
