Leipzig i jep fund pathyeshmërisë së Real Madrid në këtë sezon teksa i mposhti spanjollët në shtëpi me rezultatin 3-2. Vendasit e nisën në mënyrën e duhur ndeshjen dhe shënuan dy herë brenda pesë minutave me anë të Gvardiol dhe Nkunku.
Në fundn e pjesës së parë, Vinicius Junior shkurtoi diferencat, mirëpo në fraksionin e dytë, të besuarit e trajnerit Carlo Ancelotti nuk patën energjinë e duhur për të barazuar, por pësuan sërish. Timo Werner i ndëshkoi për herë të tretë në minutën e 81-të ndërsa Rodrygo shënoi me 11-metërsh, por goli shërbeu sa për statistikë. Pas këtij rezultati, spanjollët mbeten në vend të parë me 10 pikë të ndjekur nga Leipzig me nëntë pikë ndërsa Shakhtar Donetsk dhe Celtic (ndeshja mes tyre u mbyll 1-1) renditen respektivisht në vend të tretë dhe katërt me gjashtë dhe dy pikë.
Portugezët u treguan të pamëshirshëm dhe tre gola i realizuan në pjesën e parë, barazimi i përkohëshëm nga Vlahovic ishte vetëm një iluzion. Në pjesën e dytë, Juventus shënoi dy gola brenda tre minutave me Milik dhe Mckennie, megjithatë në fund nuk ndryshoi asgjë dhe golat shërbyen sa për statistikë. Italianët tashmë janë të eliminuar zyrtarisht nga Champions League duke zhvilluar një nga fushatat europiane më të dobëta në histori. Nga ana tjetër, Benfica gjithashtu është me 11 pikë, ndërsa Juventus mbetet në vendin e tretë me tre pikë, po aq sa Maccabi Haifa e vendit të fundit.
Ashtu siç edhe pritej, PSG nuk e vendosi për asnjë moment në diskutim triumfin përballë Maccabi Haifas duke fituar me rezultatin 7-2. Parizienët e zgjidhën gjithçka brenda pjesës së parë, aty ku Lionel Messi realizoi një dygolësh ndërsa Mbappe dhe Neymar gjithashtu regjistruan emrin e tyre mes golashënuesve ndërsa në mes ishte edhe një gol i miqve. Madje, në pjesën e dytë ata shënuan sërish, ishte Mbappe që shënoi edhe të pestin për ekipin e tij dhe të dytin personal duke thelluar suksesin. Goli i gjashtë ishte një autogol ndërsa i shtati u shënua nga Soler. Pas këtij suksesi, PSG mbetet në vendin e parë të Grupit H me 11 pikë ndërsa nga ana tjetër, për llogari të këtij grupi, Benfica mundi Juventusin në shtëpi me rezutatin 4-3.
Nga ana tjetër, Milan mori një fitore tejet të rëndësishme në Zagreb përballë Dinamos teksa triumfoi me shifrat 0-4. Kuqezinjtë e drejtuar nga Stefano Pioli shënuan me anë të Gabbias në pjesën e parë, ndërsa golat e Leaos dhe Giroud në fraksionin e dytë gargantuan qetësi. Pas këtij trepikëshi, italianët ngjiten në vendin e dytë të Grupit E me shtatë pikë, teksa grupi udhëhiqet nga Chelsea me 10 pikë, ndërsa në vend të tretë është Salburg me gjashtë e më pas Dinamo Zagrebit me katër.
Sakaq, sfida mes Borussia Dortmund dhe Manchester City u mbyll në barazim 0-0. Shansin më të mirë e patën miqtë me anë të Mahrez, por algjeriani gaboi nga pika e bardhë e penalltisë. Pas këtij barazimi, City ruan me 11 pikë kreun e Grupit G, ndërsa gjermanët renditen pas tyre me 8 pikë. në këtë grup është edhe Sevilla me 5 pikë e Copenhagen me 2.