Beqa vlerësoi se do ketë shtyrje të këtij afati, mirëpo sipas saj, do jetë në një afat kohor shumë të shkurtër.
“Ndërkohë kemi viktimizimin e vazhdueshëm të shtetit të Serbisë dhe të Vuçiqit. Tani, do e shohim a do ketë realisht në fazën përfundimtare shtyrje apo jo, unë mendoj që do shtyhet. Mirëpo, nuk mund ta mohojmë që çështja e targave ka të bëjë pikërisht edhe me dialogun mes Kosovës dhe Serbisë. Prandaj, besoj se do shtyhet një afat, mirëpo jo një afat shumë i gjatë, mund të jetë një afat kohor shumë i shkurtër. Por, për mendimin tim do ishte e drejtë të mos shtyhej afati për shkak se kjo do krijonte joseriozitet shtetëror”, deklaroi Beqa në emisionin “Këndi i Debatit”.
Bashkimi Evropian dhe Shtetet e Bashkuara të Amerikës kanë kërkuar nga Qeveria e Kosovës ta shtyjë afatin për regjistrimin e veturave në targat RKS.
Mirëpo, Kryeministri i Kosovës, Albin Kurti është i prerë në vendimin për targat, ai ka thënë se afati i fundit për konvertimin e targave ilegale në targa RKS është 31 tetori./Tëvë1.info/