Chelsea ka marrë fitoren e radhës në kuadër të fazës së pestë në Ligën e Kampionëve, derisa ka arritur të kualifikohet edhe në fazën tjetër.
Blutë në transfertë ka mposhtur me shifra 2:1 Salzburgun në stadiumin “Red Bull Arena”, ndeshje kjo që i takoi xhiros së pestë në Grupin E të Ligës së Kampionëve.
Të besuarit e Graham Potter dominuan sfidën në pjesën e parë, derisa humbën disa raste të volitshme me Havertzin e Aubameyagin, por golin e epërsië e mori vetëm në minutën e 23-të me mesfushorin Mateo Kovaciq.
Skuadra angleze edhe në vazhdim krijoi rastë, megjithatë në pushim shkuan të qëtë me epërsi minimale 1:0.
Ndërkaq skuadra vendase barazoi shifrat në 1:1 me Adamu në minutat e parë të pjesë së dytë.
Mirëpo blutë e Londrës rikthyen epërsinë në favorin e tyre me Kai Havertz në minutën e 64-të, me një gjuajtje të bukur nga një distancë e largët.
Chelsea me këtë fitore ka siguruar kalimin në fazën tjetër, derisa ka 10 pikë në pesë ndeshje, teksa Salzburgu diskuton vendin e dytë me ekipin italian Milan. /Tëvë1/
