Ai këto deklarata i ka bërë në mbledhje e Këshillit të Përgjithshëm të Vetëvendosjes, parti të cilën edhe e drejton.
Ai tha se Kosova është rreshtuar me shtetet që dënojnë agresionin e Rusisë ndaj Ukrainës, ndërsa shtoi se kur përkrahin pavarësinë e Ukrainës nuk bëhet fjalë të mendohet se do të tolerojnë prekjen e pavarësisë së Kosovës.
“Kosova në aspektin ndërkombëtar po e bën detyrën e vet, duke u rreshtuar menjëherë e pa asnjë kusht në radhën e vendeve që dënuan Rusinë e që mbështesin pavarësinë dhe integritetin territorial të Ukrainës. Natyrisht, le ta dinë të gjithë, kur kërkojmë të respektohet pavarësia dhe integriteti territorial i Ukrainës, as që bëhet fjalë të mendohet se do tolerojmë prekjen e pavarësisë, sovranitetit apo integritetit territorial të Kosovës. Këto nuk janë të diskutueshme asnjëherë, askund për neve”, ka thënë Kurti, shkruan teve1.info.
Gjatë javës në Kosovë ka qëndruar i dërguari i SHBA-së për Ballkanin Perëndimor, Gabriel Escobar dhe përfaqësuesi i BE-së për dialogun Kosovë-Serbi. Të dy kanë kërkuar të arrihet një marrëveshje e shpejtë ndarjet dy vendeve.
Madje, Escobar duke folur për një marrëveshje finale ka thënë se nëse dy vendet pajtohen për një marrëveshje pa njohje ata do ta përkrahnin./teve1.info/
