Ballkani i është kthyer fitores në Superligën e Kosovës. Skuadra nga Suhareka si vendas ka mposhtur me shifra 2:0 Trepça ’89 në kuadër të xhiros së 12-të në elitën e futbollit kosovarë.
Përkundër disa tentimeve që pati portokallinjtë në 45-të minutat e parë rezultati u mbyll me rezultat të barabartë 0:0. Ndërkaq me ndryshe të besuarit e Ilir Dajës u qasën në franksionin e dytë.
Me të filluar pjesa e dytë, skuadra e Ballkanit ka zhbllokuar rezultatin me sulmuesin e krahut, Ermal Krasniqi që shënoi golin e epërsisë për ekipin nga Suhareka. Krasniqi shënoi në minutën e 48-të.
Ndërkaq, Albion Rrahmani dyfishoi epërsinë e Ballkanit përmes pikës së bardhë në minutën e 74-t. Me këtë fitore, Ballkani forcohet në pozitën e dytë në tabelë me 25 pikë të mbledhura, dy më pak se Drita që është lidere dhe ka dy ndeshje më shumë të luajtura. /Tëvë1/
