Kjo për arsye se në votim morën pjesë vetëm 58 deputetë dhe nuk pati kuorum, përcjell teve1.info
Shefja e grupit parlamentar të VV-së, Mimoza Kusari- Lila, ka thënë se qëllimi kryesor i Projektligjin për masat e përkohshme të produkteve themelore në raste të veçanta të destabilizimit në treg është ruajtja e mirëqenies qytetare.
Ky propozim u prit me kritika nga opozita të cilët ne fjalimet e tyre kundërshtuan këtë projektligj.
Pal Lekaj nga Grupi Parlamentar i AAK-së, tha se nuk do ta votojnë projektligjin për vendosjen e çmimeve të produkteve bazë. Sipas tij, ky ligj është në kundërshtim me Kushtetutën e vendit dhe e dëmton rëndë tregun e lirë.
Në anën tjetër deputetja Hykmete Bajrami nga Lidhja Demokratike e Kosovës, ka thënë se projektligji për përcaktimin e çmimeve të produkteve cenon ekonominë e tregut të lirë në Kosovë.
Kurse ky propozim u pa si i rrezikshëm për ekonominë e tregut të lirë, edhe nga Partia Demokratike e Kosovës.
Ndërsa ministri i Financave, Hekuran Murati ka thënë se partitë opozitare nuk e kanë hallin pse tregtarët po abuzojnë me çmime, por synimi i tyre sipas Muratit, është që të hiqet TVSH-ja, në mënyrë që të ulen të hyrat e Qeverisë dhe të trashet fitimi i tregtarëve./teve1.info./
