Kanë përfunduar dy sfidat e xhiros së 12-të hapëse në Superligën e Kosovës. Prishtina ka arritur të marrë fitoren e dytë me radhë, dhe është skuuadra e vetme që ia ka shkaktuar Dritës humbjen e parë të kampionatit të sivjetëm në Superligës së Kosovës në futboll.
Në ndeshjen që u luajt në stadiumin me bar sintetik. Pjesa e parë e derbit nuk dhuroi raste të shumta shënimi dhe u mbyll pa gola.
Drita nga minuta e 60-të luajti me një lojtar më pak në fushë, pasi me karton të kuq u ndëshkua mesfushori Rron Broja. Megjithatë, arriti të shënojë në minutën e 84-të nëpërmjet zëvendësuesit Prince Balde. Qendërmbrojtësi Balde ishte i saktë me gjuajtje nga afërsia. Goli i tij u pranua pas shikimit të situatës në VAR. Megjithatë, rikthimi i Prishtinës erdhi në minutat shtesë.
Në minutën e parë të shtesës, shifrat i barazoi zëvendësuesi Shefit Shefiti, që gjuajti fuqishëm nga afërsia. Ndërkohë, golin e fitores e shënoi Leotrim Kryeziu. Kryeziu shënoi nga penalltia, pas penalltisë së shkaktuar nga Almir Ajzeraj, që preku topin me dorë brenda në zonë. Drita pas 12 xhirove ka 27 pikë, pesë më shumë se Ballkani i vendit të dytë, që ka tri ndeshje më pak të luajtura. Prishtina është e treta me 18 pikë në 11 ndeshje të zhvilluara.
Ndërkaq, Malisheva ka marrë një fitore të thellë në udhëtim, derisa e ka mposhtur me shifra 6:0 Ferizajin. I gjithë 90 minutëshi i takoi vizitorëve, të cilët në të dyja pjesët realizuan nga tre gola.
Në pjesën e parë shënuan Bleart Tolaj, Ilir Mustafa dhe Agon Xhaka. Pas përfundimit të pjesës së parë, pati tollovi mes lojtarëve të të dyja skuadrave. Me të nisur pjesa e dytë, Malisheva shënoi dy gola të shpejtë nëpërmjet Ronald SoboWales, në minutën e 48-të dhe të 50-të. Ndërkohë, golin e fundit në ballafaqim e realizoi Fiton Hajdari. Hajdarit goli iu pranua vetëm pas rishikimit të situatës në sistemin VAR.
Për trajnerin e ri të Ferizajt, Andrej Panadiq, ishte disfata e dytë rresht në Superligë. Ferizaj mbetet në kuotën e tetë pikëve në vendin e fundit, pas 12 xhirove të luajtura. Malisheva ngjitet në vendin e shtatë me 11 pikë pas 12 ndeshjeve të luajtura.
