Sipas saj, Kosova duhet t’i bëjë përgatitjet e saj në qoftë se ky proces do hyjë në fuqi, mirëpo Gaxherri e konsideron si kusht të padrejtë.
“Këtë vit me të drejtë kemi pritur për liberalizimin e vizave. Ende nuk e kemi një konfirmim zyrtar për procesin e sigurisë ETIAS që Kosova duhet të presë deri sa të fillojë ai proces të ekzekutohet, e pastaj të jemi pjesë e liberalizimit të vizave. Kjo është e pakuptimtë dhe e padrejtë, por dua të besoj se ndoshta në diskutim e sipër ne të bëjmë përgatitjet e duhura në qoftë se ky proces do hyjë në funksion. Por, të na thonë se duhet të presim deri sa ky proces të hyjë në funksion, është krejtësisht i padrejtë”, deklaroi Gaxherri në emisionin “Ditari”.
Më tej, Gaxherri tha se Institucionet e Kosovës këto ditë duhet të jenë më shumë aktivë, pasi siç tha ajo, tanimë duhet ta dinë saktë se ku është problemi dhe paqartësia në këtë çështje.
Ndërkaq, e pyetur se cila mund të jetë arsyeja e vërtetë që Kosova pret me vite për liberalizim të vizave, Gaxherri tha se shumë shpesh u është thënë se ka të bëjë me probleme teknike, mirëpo sipas saj, kjo problematikë ka kaluar në aspektin politik./Tëvë1.info/