Fillimi s’ka se si të jetë më mirë. Vashat e kombëtarës së Kosovë U-17 në futboll kanë fituar me rezultat 9:0, kundër Moldavisë.
“Dardanet” e kanë nisur mbarë kampanjën kualifikuese për Kampionatin Evropian 2023. Në ndeshjen e zhvilluar në Rogozhinë spikati Alba Shabani, e cila realizoi katër gola (2’, 17’, 22’, 78’).
Me dy gola kontriboj Shenarta Bela (28’, 53’), derisa nga një gol e realizuan Rita Feka (15’), Elona Paci (70’) dhe Aurora Mulliqi (74’).
Ndeshjen e radhës vajzat dardane e luajnë kundër Maqedonisë së Veriut, të premten, derisa në fund përballen me Shqipërinë, të hënën e ardhshme.