Rama në letrën e tij duke treguar në kronologji se si erdhi te miratimi i kësaj rezolute në Këshillin e Evropës dhe duke mohuar akuzat, ka kërkuar nga vendet e anëtare të këtij Këshilli ndihmë, siç është shprehur ai, për një korrigjim të domosdoshëm dhe të ndershëm.
“Shpresoj në mbështetjen tuaj personale dhe atë të anëtarëve të delegacionit të vendit tuaj në Asamblenë Parlamentare të Këshillit të Europës për miratimin e kërkesës sonë, për nisjen e procedurës që do të çojë në një raport vijues, si korrigjim i ndershëm dhe i domosdoshëm i një gabimi tragjik, pasojat e të cilit vazhdojnë të na përndjekin”, thuhet në letrën e Ramës.
Kryeministri i Shqipërisë më 13 tetor kishte mbajtur një fjalim në Këshillin e Evropës, në të cilin kishte folur për akuzuat për trafikim me organe.
Ai këto i kishte quajtur shpifje, ndërsa që kishte kërkuar që edhe Kosova të pranohet në Këshill.
Edhe Kuvendi i Shqipërisë muaj më parë kishte miratuar rezolutën që hedh poshtë pretendimet për trafikim me organe./teve1.info/
