Shatri është përgjigjur për mandatin e tij si ministër gjatë periudhës 2005-2007.
Para deputetëve, Shatri theksoi se gjithë procesin e menaxhimit të ndërmarrjeve publike ka kryer UNMIK-u, përkatësisht shtylla e IV e këtij misioni dhe Agjencia Kosovare e Mirëbesimit (AKM).
Shatri tha se qeveria në atë kohë ka pasur kompetenca të kufizuara.
“UNMIK-u ka pasur influencë të madhe, në atë kohë qeveria nuk është njoftuar as për shitjet as për blerjet. S’na ka pyet kush. S’kemi qenë kompetentë. Për veprimet s’jemi njoftuar asnjëherë.
Ministria e Financave nuk ka qenë faktor dhe nuk ka ndarë mjete për investime dhe as nuk kemi qenë mbikëqyrës me KEK-un”, tha ai.
Shatri theksoi se sa i kujtohet, qeveria e atëhershme ka dhënë një hua për KEK, disa milionë euro.
Deputeti Arbër Rexhaj ngriti çështjen e importit të e energjisë elektrike.
Sipas tij, Kosova ka importuar rrymë prej kompanisë GEN në Slloveni, nuk ka importuar nga GEN në Beograd.
Për këtë reagoi kryetari i Komisionit, Hajdar Beqa, i cili tha se për këtë çështje do ta njoftojë Komisionin ambasadori Martin Berishaj.
“Të mos ndalemi te kjo temë, për blerjet nga GEN-i, do ta na njoftojë ambasadori Martin Berishaj”, tha ai./KP/
