Përmes një statusi në Facebook, Sahatçiu ka shkruar se do të shtohet numri i linjave të autobusëve, biletat e transportit publik do të jenë të integruara duke i përfshirë mundësinë e pagesës përmes SMS-vë dhe QR-kodit si dhe çmimore të re.
“Operatorët privat po funksionojnë tash e 10 vite pa licencë në kushte të pa favorshme derisa mbulojnë shumicën e linjave në Kryeqytet. Në anën tjetër, kemi qytetarë që ankohen për shërbim dhe mungesë të orareve në linja ku kërkesa është rritë ndjeshëm.
Ky është rezultati i angazhimit disa mujor. Jemi në rrugë të mirë, e mbështetja e të gjithë operatorëve është e domosdoshme për reformë të mirëfilltë.
Flotë e re (31) nga kredia me BERZh
Linja të reja dhe ridizajnim të linjave ekzistuese
Stacione dhe mini stacione të reja
Biletë e integruar, pagesë me SMS dhe QR code
Sistem i avansuar i menaxhimit të trafikut
Rregullore e re për transport publik
Çmimore e re
Bashkë, edhe e ndreqim”, ka shkruar Sahatçiu.
