Në takimin i cili ishte i karakterit lamtumirës, komandanti i KFOR-it falënderoi Policinë e Kosovës për bashkëpunim me misionin e NATO-s në Kosovë.
“Koloneli Hopkins falënderoi drejtorin e përgjithshëm si dhe stafin e PK -së për punën e jashtëzakonshme në shërbim të qytetarëve të RKS-së si dhe bashkëpunimin me KFOR-in”, thuhet në njoftimin e Policisë.
Edhe, drejtori i përgjithshëm i Policisë së Kosovës, Samedin Mehmeti falënderoi Kolonelin Hopkins për bashkëpunimin e shkëlqyer dhe për përkrahjen e dhënë Policisë së Kosovës gjatë mandatit të tij. Ndërsa, ka uruar pasuesin e Hopkins për detyrën e re.
“Drejtori po ashtu uroi Kolonel Samulski për detyrën e re dhe theksoi se bashkëpunimi me KFOR- in amerikan do të vazhdojë gjithmonë dhe se kemi një bashkëpunim të shkëlqyer që është ndërtuar ndër vite”, thuhet më tej në njoftim.
Me këtë rast u shkëmbyen pllaka dhe mirënjohje për stafin menaxhues të të dy institucioneve, për bashkëpunim dhe koordinim të ndërsjellë.
