Ai tha se Kina do të përpiqet për ribashkim paqësor, por nuk përjashtoi mundësinë e marrjes së këtij vendi edhe me forcë.
“Zgjidhja e çështjes së Tajvanit është çështje e kinezëve, një çështje që duhet të zgjidhet nga ne. Ne do të vazhdojmë të përpiqemi për një ribashkim paqësor me sinqeritetin më të madh dhe përpjekjet maksimale. Por ne kurrë nuk do të premtojmë se do të heqim dorë nga përdorimi i forcës dhe ne rezervojmë mundësinë e marrjes së të gjitha masave të nevojshme”, tha presidenti i Kinës
Këto politika të presidentit kinez, janë kritikuar ashpër nga Shtetet e Bashkuara të Amerikës dhe demokracitë e tjera, por pavarësisht kësaj, Xi Jinping, duket se nuk ka hequr dorë nga pretendimet e tij.
E pas deklaratës së tij, kanë reaguar zyrtarë nga Tajvani të cilët i kanë bërë me dije presidentit kinez se nuk do të tërhiqen nga sovraniteti i tyre.
Xi Jinping, pritet të sigurojë një mandat të tretë lidershipi në përfundim të kongresit njëjavor. Gjatë këtij organizimi, ai gjithashtu nënvizoi rreziqet dhe sfidat me të cilat përballet vendi.
Duke i përshkruar pesë vitet e fundit si shumë të pazakonta, Xi tha se Partia Komuniste në pushtet e ka udhëhequr Kinën në rreziqe dhe sfida të mëdha që vinin njëra pas tjetrës.
Sfidat e para të listuara nga Xi ishin pandemia Covid-19, Hong Kongu dhe Tajvani – për të cilat tha se Kina kishte dalur si fitimtare./Tëvë1/
