Raportohet se përveç dëmeve materiale nuk ka persona të lënduar.
Lajmin për teve1.info e ka konfirmuar zëdhënësja e Policisë së Kosovës, Flora Ahmeti.
“Sot rreth orës 08:00, është raportuar se në parkingun e Aeroportit Ndërkombëtarë në Prishtinë , dy automjete janë përfshirë nga zjarri. Njëra nga veturat e tipit Mercedes, është djegur tërësisht ndërsa tjetra (Audi) e cila ka qenë e parkuar në afërsi është dëmtuar pjesërisht. Përveç dëmeve materiale nuk raportohet për persona të lënduar”, ka thënë ajo.
Ahmeti ka bëtë të ditur se policia ka nisur ndërmarrjen e veprimeve hetimore për sqarimin e plotë të rrethanave që karakterizojnë ngjarjen.
