Kontejnerët e mbeturinave në fshatin Shajkoc të komunës së Podujevës, po qëndrojnë të mbushur e të lëna para dyerve të shtëpive.
Kjo pasi çdo të enjte kompania regjionale “Pastrimi” ka për detyrë të mbledh mbeturinat në këtë fshat, por shërbimi nuk po arrin të kryhet me kohë.
Derisa ato po qëndrojnë të stërmbushura jashtë, shihen të jenë rrëzuar nga qentë endacak. E me këtë problem banorët po përballen tashmë e sa ditë.
Derisa shprehën të shqetësuar për gjendjen aktuale.
“Kanë pas me ardh të enjtën, nuk kanë ardhe deri të hënën, është shqetësuese sepse ka qenë dhe krejt i shpërndajnë bërllogun”, thotë një banore.
“Shumë shqetësuese se po na mbesin në rrugë dhe nuk po i zënë as koshat, të hënën erdhënme e marr po nuk i ka zënë edhe në paketa i kemi lënë”, thotë një banore tjetër.
Nga kompania regjionale “Pastrimi” treguan arsyen pse shërbimi nuk po arrin të kryhet me kohë.
“Në fshatin Shajkoc në komunën e Podujevës orari për largimin e mbeturinave ka qenë ditën e enjte javën e kaluar, në këtë ditë fatkeqsisht kemi pas prishje të kamionit, pastaj derisa u riparua defekti ky orar u zëvëndsësua të dielen”, është shprehur Arbnora Ademi, zëdhënëse në kompaninë regjionale “Pastrimi”.
Tutje, edhe gjendja e pastërtisë në kryeqytet, por edhe në fshatrat e komunës, ka qenë e rëndë disa muaj.
Kronika e realizuar nga gazetarja Lendrina Kodrolli.