AVONET thonë se ricilësimi i këtij rasti nga vrasje e rëndë në vrasje nga pakujdesia paraqet gjithçka tjetër, vetëm drejtësi jo, përcjell teve1.info
“Duke pasur parasysh pamjet e publikuara të ditës kritike të vrasjes, shihet se si dorasi me gjakftohtësi merr në shënjestër dhe vret tashmë të ndjerin Tetaj, andaj, AVONET këtë proces e konsideron skandaloz, joprofesional dhe të padrejtë”, thuhet në komunikatë.
Ata kanë kërkuar nga Gjykata e Apelit që ky rast të kthehet në rigjykim, sepse sipas tyre ky vendim ishte jo profesional.
“Po ashtu kërkojmë që lënda të delegohet në ndonjë gjykatë tjetër, sepse sipas AVONET rigjykimi në gjykatën e njejtë dyshojmë se nuk do të sjell vendosje meritore. AVONET konsideron se rastet e tilla duhet të merren dhe trajtohen më me seriozitet sepse assesi këto raste nuk mund të shndërrohen në shembuj që te qytetarët të krijohet mungesa e besimit në organet e drejtësisë”, thuhet tutje në komunikatë.
Dje, Gjykata Themelore në Pejë shpalli fajtor Shaban Gogajn dhe e dënoi me shtatë vjet e gjysmë burgim. /Teve1.info/
