Futbollisti, Martin Zubimendi ka ndarë mendjen e tij, duke vendosur për të ardhmen e tij.
23-vjeçari të premten ka rinovuar kontratën me skuadrën e Real Sociedadit. Ekipi nga La Liga ka njoftuar se Zubimendi do të mbetet pjesë e Sociedadit deri në verën e vitit 2027.
“Jam shumë i lumtur për shkak se ky ekip është vendi i duhur për t’u zhvilluar edhe më shumë si lojtar”, ka thënë Zubimendi pas rinovimit të kontratës.
Mesfushori defanziv është produkt i Akademisë së Sociedadit, ndërsa me ekipin e parë ka debutuar në vitin 2020.
Ai këtë edicion ka një gol e dy asistime në tetë paraqitje në kampionatin spanjoll. Kohët e fundit, interesim për transferimin e tij pati shfaqur skuadra e Barcelonës. /Tëvë1/