Kjo formë e anëtarësimit, sipas tij, do paraqesë demotivim për tërë anëtarësinë, pasi siç tha Beka, në këtë formë do cenohet liria e organizimit sindikal.
“Ne kemi pasur takim të përbashkët edhe me BSPK-në dhe Shoqërinë Civile, e kemi ngritur shqetësimin si tërë sindikatat, e kemi konsideruar si të panevojshme. Kjo paraqet pengesë dhe demotivim të anëtarësisë, sepse nuk e kemi kuptuar për çfarë arsye është bërë kjo në një afat mjaft të shkurtër kohor. Jemi të shqetësuar të gjithë, prandaj jemi dakorduar edhe me sindikatat tjera që nuk do e pranojmë anëtarësimin në këtë formë, pra përmes platformës e-Kosova, sepse kjo mënyrë drejtpërdrejtë e cenon lirinë e organizimit sindikal”, tha Beka në emisionin “Këndi i Debatit”.
Ndërsa, se a janë të pranueshme koeficientët për Ligjin e Pagave, Beka tha se tashmë kanë bërë vërejtjet e tyre lidhur me këtë problematikë, kjo për shkak se në ata koeficientë janë të parapara vetëm dy gradime, pra për zjarrfikës dhe komandantë./Tëvë1.info/