Sipas Demollit, buxhetin e shtetit më së shumti e mbushin ata punëtorë të cilët e kanë pagën më pak se 450 euro.
“Pakoja e Rimëkëmbjes Ekonomike më së shumti u ka shërbyer bankave, të cilave përmes subvencionimit të investimit të bizneseve u është paguar diferenca bankës. Ne e kemi ende një strukturë ekonomike e cila Qeveria Kurti përfitimin e korporatave e ka pothuajse të sheshtë, po ashtu 80 përqind të buxhetit të shtetit e mbushin konsumatorët apo punëtorët të cilët e marrin pagën më pak se 450 euro”, tha Demolli në emisionin “Ditari”.
Tutje, Demolli shtoi se patjetër duhet një ndërhyrje serioze për ndryshim në modelin ekonomik, pasi siç tha ajo, vetëm në këtë mënyrë mund të zhvillohet shoqëria.
“80 përqind e të punësuarve në Kosovë pagën e kanë më të vogël se 450 euro, e janë po ata punëtorë të cilët mbajnë familje, e që janë në kredi duke e mbushur buxhetin e Kosovës. Ne besojmë që nevojitet një ndërhyrje serioze dhe një ndryshim në modelin ekonomik në bazë të së cilit Qeveria e Kosovës e zhvillon shoqërinë”, tha tutje ajo./Tëvë1.info/
