Duke komentuar paraqitjen e Ramës në Asamblenë Parlamentare të Këshillit të Evropës, Çollaku tha se fjalimi i kryeministrit ishte i shkruar mirë, por që sipas tij, ky fjalim ka qenë i shkruar prej ekspertëve sepse ai tha që nuk e beson që Rama ta ketë shkruar atë vet.
“Mua nuk më pëlqeu dhe m’u duk një papjekuri e thellë ishte se pas fjalimit i cili dukej i shkruar mirë, i shkruar nga specialist sepse nuk e besoj ta ketë shkruar ai vet. Sjellja që vijoi pas këtij fjalimi ishte një sjellje e papjekur komentet e Ramës ishin arrogante kishte përpjekje aty ku thoshte se mua në Shqipëri më akuzojnë se jam agjent i Serbisë dhe priste që ai forumi serioz të gajasin me këto humore pa kripë të Edi Ramës”, tha ai në emisionin “Ditari” në Tëvë1.
Tutje ai theksoi se Kosova por as UÇK-ja, nuk mbrohen me një sjellje të cilën ai e konsideroi si sjellje arrogante të kryeministrit Rama.
“Mendoj që nuk ndihmohet Kosova duke u paraqitur kryeministri i Shqipërisë në një pozitë aq sfiduese aq arrogante e cila po mund të stimulojë duartrokitjet e fanatikëve apo militantëve, por unë mendoj që Kosova e as UÇK-ja, nuk mbrohet kur kryeministri i Shqipërisë qaset në atë formë agresive dhe arrogante në Këshill të Evropës.”, shtoi ai./teve1.info./