Në Kosovë ai ka kryer krime lufte, dhe për këtë ishte dënuar nga Tribunali i Hagës me 14 vjet burgim.
Por në Serbi po shpërblehet e nderohet.
Kështu ai gjatë kësaj jave u nderua nga Kisha ortodokse serbe, për nxitje të filantropisë dhe vlerave ortodokse.
Për këtë ceremoni u përkujdes peshkopi kontravers, Vladika Pahomija.
Këto zhvillime si të turpshme i ka cilësuar aktivisti i shoqërisë civile në Beograd, Marko Milosavljeviq.
“Kjo ishte njëra nga vendimet e turpshme të radhës nga Kisha ortodokse serbe. Ata po nderojnë për vlera humane në njëri i cili ka kryer krime kundër njerëzimit në Kosovë?”, tha Marko Milosavljeviq – Aktivist për të Drejtat e Njeriut.
Aktivisti për të drejtat e njeriut thotë se vetë Peshkopi që e nderoi Lazareviqin ka dhunuar seksualisht djem të rinj.
“Së pari, vet peshkopi Pahomija ka qenë i akuzuar për ngacmime dhe dhunime seksuale ndaj djemve të vegjël por që nuk është dënuar. Kjo është një fatkeqësi që Kisha ortodokse serbe dhe shteti serb i konsideron akoma heronj kriminelet e luftës. Ata po veprojnë kundër interesit të qytetarëve serb”, tha Milosavljeviq.
Ndërsa njohësi i çështjeve të konflikteve, Abit Hoxha, thotë se Serbia asnjëherë nuk është ballafaquar më të kaluarën.
Hoxha sheh vazhdimësi të politikave të Millosheviqit në Serbi.
Kjo nuk ishte hera e parë që nderohet nga Serbia krimineli i luftës, Vladimir Lazareviq, ai para disa vitesh mori titullin qytetar nderi në fshatin Pantelej të Nishit.
Kronika e gazetarit Shpat Blakçori.
