Ai këtë deklaratë e bëri duke e komentuar lajmin që Kosova sot për herë të parë ka marrë të drejtën e fjalës në Asamblenë Parlamentare të Këshillit të Evropës.
Në një lidhje të drejtpërdrejt në emisionin “Ditari” në Tëvë1, Kervani tha se Kosova tashmë ka bërë një hap tutje drejt anëtarësimit në këtë organizatë, teksa theksoi se edhe deputetë nga shtetet e ndryshme kanë përshëndetur këtë lajm të mirë për Kosovën.
“Është një ditë historike për Kosovën, për herë të parë delegacioni i Kosovës do të ketë ulëse të rezervuara pikërisht për Kosovën dhe do të kemi të drejtën e fjalës në Asamble dhe kjo është një lajm shumë i mirë për ne… Sot si Kosovë jemi një hap më tutje dhe sot në Asamblenë Parlamentare deputetë nga shtetet e ndryshme kanë përshëndetur këtë lajm, këtë gëzim dhe është shumë e rëndësishme për neve”, tha ai.
Tutje, shefi i Grupit Parlamentar Multietnik theksoi se që nga sot Kosova do të ketë zërin më të fuqishëm brenda Asamblesë Parlamentare të KiE-së.
“Për neve ka qenë me të vërtetë shumë e rëndësishme, pas disa viteve dhe punimeve tona të shkëlqyeshme të Kosovës në bashkëpunim me aleatët tanë ndërkombëtarë dhe shtetet mike që ka ardhur puna deri këtu…Sepse që nga sot ne do të kemi zërin më të fuqishëm edhe brenda Asamblesë Parlamentare, jo vetëm në komitete politike apo nëpër komisione”, shtoi Kervan.
https://teve1.info/lajmet/kosova-per-here-te-pare-me-drejte-fjale-ne-asamblene-parlamentare-te-kie-se/
