Nga ky manastiri janë thonë se janë të hapur për dialog me institucionet e Kosovës, por jo edhe sa i përket pronës.
“Dioqeza ortodokse serbe në Kosovë ka qenë gjithmonë e hapur për dialog me institucionet e Kosovës, por jo për ligjshmërinë e vendimit të Gjykatës Kushtetuese të Kosovës të vitit 2016, i cili konfirmoi pronësinë e Manastirit të Deçanit mbi 24 hektarë. Ky është një qëndrim i vendosur i ambasadorëve të BE-së, OSBE-së dhe shteteve të Quint-it”, thuhet në njoftimin e Manastirit të Deçanit në Tëitter, shkruan teve1.info.
Ky reagim i Manastirit të Deçanit erdhi pas deklaratës së kryeministrit Albin Kurti, i cili tha se beson që çështja e këtij institucioni fetar do të zgjidhet me anë të dialogut.
“Neve kemi një vendim të Gjykatës Kushtetuese dhe disa vendime administrative për këto prona. Unë besoj se kjo çështje do të zgjidhet, mirëpo është me rëndësi që të kemi edhe dialog ndërmjet Qeverisë së Kosovës dhe autoriteteve fetare në Manastirin e Deçanit. Unë jam kryeministri i parë i Republikës i cili nuk pranohet në takim me priftërinjtë ortodoksë”, deklaroi Kurti në seminarin e Asamblesë Parlamentare të NATO-s.
Në vitin 2016, Gjykata Kushtetuese e Kosovës kishte marrë një vendim që i jep në pronësi Manastirit të Deçanit 24 hektarë tokë. Por ky vendim nuk është pranuar nga institucionet qendrore dhe ato lokale në Kosovë.
Komuna e Deçanit pretendon se prona e dhënë për manastirin është është e kompanive shoqërore “Apiko” dhe “Iliria” dhe se asnjëherë nuk ka qenë e manastirit.
Nga ambasadorët e BE-së dhe ShBA-së të akredituar në Kosovë vazhdimisht ka pasur thirrje për zbatimin e vendimit të Kushtetueses lidhur me pronat e Manastirit të Deçanit./teve1.info/
Lexo edhe
https://teve1.info/lajmet/3kurti-beson-ne-nje-zgjidhje-per-rastin-e-24-hektareve-te-manastirit-te-decanit/
