Ajo këto deklarime i bëri pas pyetjeve të deputetit të LDK-së, Avdullah Hoti, i cili kërkoi sqarime nëse o të ketë rrymë mjaftueshëm gjatë dimrit si dhe nëse do të ketë ndryshim të çmimit të energjisë elektrike.
“Do t’i importojmë 720 megavat orë energji elektrike ndërsa nëse çmimi do të jetë 550 euro, kosto e importit do të ishte 350 milionë euro”, tha Rizvanolli.
Kurse s ai përket caktimit të tarifave të reja për rrymën në Kosovë, Rizvanolli tha se kjo është çështje e Zyrës së Rregullatorit të Energjisë Elektrike.
“Nuk është kompetencë e Qeverisë për caktimin e tarifave të energjisë, nëse do të ketë ndryshim do të jemi në përkrahje të qytetarëve.
“Gjatë rishikimit të fundit tarifor Qeveria ka zotuar 90 milion, 40 prej të cilave janë distribuuar, në rast se kemi shqyrtim tarifor ne mund të flasim për subvencionimin potencial apo rritjen e subvencionimin e faturave të energjisë për përballimin e krizës”, tha Rizvanolli.
Ajo tha se nga nëntori i këtij viti do të jenë në funksion dy blloqe të Temrocentralit Kosoava A dhe dy të atij Kosova B, mirëpo vjetërsia e tyre nuk garanton furnizim të rregullt me rrymë.
