Ai gjatë konferencës për medie tha se fakti që kjo strategji, kryefjalën e ka tek ndërtimi i kapaciteteve të reja të energjisë prej qymyrit, ë bënë këtë dokument në kundërshtim me trendët dhe agjendën e gjelbër të BE-së.
“Është momenti ta kalojmë dështimin e 20 vjetarit në energji dhe të fokusohemi në të tashmen dhe ardhshmen. Strategjia e përgatitur për energji është përsëritje nga strategjitë e 20 viteve të fundit. Fakti që edhe ky draft-strategjie e ka kryefjalën tek ndërtimi i kapaciteteve të reja të energjisë prej qymyrit e bënë strategjinë në kundërshtim me trendët dhe agjendën e gjelbër të agjendës evropianë”, tha Abazi.
Sipas tij, kostoja e vogël që shihet në faturë përmes këtij lloji të energjisë i faturohet buxhetit të shtetit përmes siç tha ai, shkatërrimit të mjedisit, kontaminimit të ujit etj.
“Brenda 2 viteve BE do të filloj taksimin e produkteve që prodhohen në vendet ku qymyri është produkt bazë për prodhim të energjisë. Kjo pra është strategji në kundërshtim edhe me interesin e ndërmarrjeve prodhuese të cilat nuk mund të jenë në konkurrencë me tregun evropian dhe agjendën e gjelbër”, tha Abazi.
Sipas tij, nuk ka asnjë dyshim që draft-strategjia nuk është në linjë me atë çfarë kërkohet dhe me atë çfarë Kosova si vend duhet të kaloj.
