Përmes një postimi në Facebook, ajo ka publikuar disa fotografi ku është takuar me liderë të vendeve të ndryshe, si presidentin e Francës, Emmanuel Macron, presidentin e Turqisë, Recep Tayyip Erdogan, Presidenten e Komisionit Evropian (KE), Ursula von der Leyen, kryeminsitren britanike, Liz Truss shkruan teve1.info
“Krahas liderëve nga mbarë Evropa në samitin inaugurues të Komunitetit Politik Evropian për të shprehur përkushtimin tonë për paqe të qëndrueshme dhe të ardhmen tonë euroatlantike”, ka shkruar ndër të tjera Osmani.
Ndryshe sot, Osmani para gazetarëve tha se është një ditë e rëndësishme për kontinentin e Evropës teksa shtoi se ajo me të cilën janë duke u përballur është e vështirë dhe se sfidat janë të mëdha, por tha se nëse qëndrojmë të bashkuar do të përballojmë secilën sfidë.
Ky samit u ftua nga presidenti i Këshillit Europian, Charles Michel dhe kryeministri i Çekisë, Petr Fiala, me qëllim të nxitjes së dialogut politik dhe forcimit të bashkëpunimit për t’i adresuar çështjet më urgjente të sigurisë dhe stabilitetit në Europë./teve1.info
