Lajmin e ka bërë të ditur ministri i Mbrojtjes, Armend Mehaj ku ka shpërndarë edhe disa pamje nga stërvitja e cila organizohet nga Komanda e Forcave Amerikane në Evropë, me pjesëmarrje edhe të forcave të SHBA-së.
“Sikur edhe në edicionin e kaluar “KFOR’30”, kontingjenti I FSK-së janë dislokuar në Qendër e Trajnimit Luftarak të Ushtrisë Amerikane në Zonën e Trajnimit Hohenfels të Gjermanisë të marrin pjesë edhe në edicionin e radhës “KFOR’31″”, ka shkruar ai.
Mehaj tutje ka thënë se qëllimi i stërvitjes “KFOR 31” është përgatitja e njësivepër misionin e KFOR-it në Kosovë, në mbështetje të paqes, stabilitetit dhe sigurisë, si dhe në mbështetje të autoriteteve civile të Kosovës.
“Në këtë stërvitje, ushtarakët tanë do të avancojnë edhe më tej në aftësitë e ndërveprimit me forcat partnere dhe standardizimin e procedurave operative”, ka shkruar Mehaj në Facebook.
