I ftuar në “Info Nata” në Tëvë1, Jakaj thotë se nga ky konflikt rrezikohet një rritje e çmimit të produkteve ushqimore në Kosovë.
“Si Institut kemi lëshuar një kumtesë që ka qenë thirrje për institucionet, kryesisht për Qeverinë, sepse duke parë situatën aktuale, konsiderojmë që duhet kushtuar vëmendje të veçantë kësaj situate sepse do të afektojë në krizën financiare do ta rrezikojë rritjen e çmimeve të ushqimit”, deklaroi ai.
Sipas tij, për parandalimin e rritjeve eventuale të çmimeve, Qeveria dhe Kuvendi i Kosovës duhet ndërmarrë masa të veçanta.
“Për këtë arsye ne kur folëm për këtë çështje kemi konsideruar që Qeveria në këtë rast edhe Kuvendi të marrin masa të veçanta që do të parandalonin rritjen eventuale të çmimeve por edhe krijimin e rezervave shtetërore që do të parandalonin rrijten e panikut te qytetarët’’, shtoi ndër tjerash ai.
Tutje, teksa foli për krizën ekonomike që mund të përfshijë Kosovën, Jakaj tha se remitencat rrezikohen për shkak të rritjes së çmimeve edhe në vendet e Bashkimit Evropian.
Po ashtu, Jakaj thekson se Qeveria duhet që t’i mbështesë grupet e margjinalizuara si familjet e varfra, në mënyrë që t’ua lehtësojë rritjen e çmimeve.
‘’Ne konsiderojmë që remitencat rrezikohen sepse rritja e çmimeve për në vendet e BE-së ku diaspora është e madhe në Gjermani e Zvicër, nëse atje rriten çmimet diaspora nuk mund t’i sjellë paratë e njëjta. Për këtë qeveria duhet që te grupet e margjinalizuara, siç janë familjet e varfra t i mbështesë me forma sociale që do t’ua lehtësonin punën. Po e ritheksoj për qytetarët nuk besoj që do të kishte pasur panik për mungesë të ushqimit por në rast të rritjeve konsideroj që për bukën, mishin, djathin vajin, vezët, transportin publik, Qeveria është dashur që ta zgjerojë pakon e ringjalljes ekonomike si e zgjeroi 10 milionëshin’’, tha ai./teve1.info/
