Sipas njoftimit të Policisë, një grua ka raportuar se një person e ka futur me dhunë në veturën e tij dhe kanë kryer marrëdhënie seksuale pa dëshirën e saj.
Ndërsa, në rastin tjetër po ashtu në Gjakovë, një grua ka njoftuar se dy persona të dyshuar të maskuar me dhunë e kanë futur në veturën e tyre dhe kanë dhunuar seksualisht.
Në lidhje me këtë, zëdhënësi i Policisë për rajonin e Gjakovës, Sheremet Elezaj, ka thënë për Teve1.info se viktimat janë të mitura.
Elezaj tha se të dyshuarit janë të moshës madhore dhe të njëjtit janë në mbajtje për 48 orë.
“E nderuar, dje në dy raste të ndara janë arrestuar dy persona të moshës madhore ndaj të cilëve në konsultim me Prokurorin përgjegjës janë iniciuar dy raste hetimi për vepër penale “Dhunimi”. Viktimat në dy rastet në fjale janë të mitura. Me vendim të Prokurorit të Shtetit dy të dyshuarit janë ndalur në mbajtje për 48 orë”, theksoi ai.
Ndërkaq, lidhur me rastet në fjalë, Elezaj tha se janë duke u zhvilluar hetime nga njësitet përkatëse të policisë në koordinim me Prokurorinë përkatëse. /teve1.info/