Kreu i PDK-së ka diskutuar me pensionistët për sfidat dhe situatën në të cilën gjenden ata.
“Pensionistët kanë nevojë për kujdes institucional, i cili përfshin pension dinjitoz, përkujdesje të qëndrueshme shëndetësore dhe kushte cilësore për jetesë. Vëmendja e Qeverisë duhet të kthehet urgjentisht nga prindërit dhe gjyshërit tanë, të cilët, në krizën aktuale, janë pjesa më e cenueshme e shoqërisë tonë”, tha Krasniqi.
Lideri i opozitës tha se sot, në ditën e pensionistëve, duhet të zotohemi të gjithë, pa dallime politike, se do të bëjmë më shumë e më mirë për pensionistët e vendit tonë./eo
